altyd reg

 

 

die kliënt is altyd reg ;

behalwe as die gesette ou dame anders sê

 

ontvangsdame kan dikwels ongevoelig wees

“ons is volbespreek, meneer – my dokter sê so”

 

jy moet maar weer bel meneer, ons is so besig..

dit beteken ; jy is maar net nog ‘n vaal naam op my lys

 

“meneer, hou asseblief aan, ek maak net gou iets klaar”

betekenis : my gesprek met my vriendin is belangriker

 

“goeie môre, kan ek help? “

Met wie praat ek dan nou, is dit nie dokter se spreekkamer nie?

 

“Goeie middag, dit is dokter se spreekkamer – let op ons is nou toe”

“Vir my klink julle maar altyd heel TOE.”

 

o die blink gedagte

van ‘n wêreld met net opgewekte mense

van ‘n wêreld waar ontvangspersoneel glimlag

waar selfs die kortgebonde ou mens hulp kry

waar siek mense beter voel na hul by hul

huisdokter was – nie nog meer

ongesteld oor die ongeërgde

interaksie met onopgeleide

ontvangspersoneel nie

 

Ó Tearlach.