Arendsvlerke
winde van verandering
lig swaeltjies op die winterwind
na vreugdevolle sonskyndae en
maatjies wat na liefde vra
nou hang ek hier in grys en grou
die koue om my toegevou
my vlertjies is geknip o Heer
lugstrome vloei verby my seer
ek sien die swaeltjies sweef en speel
my vreugde net ‘n tafereel
my hoop gevestig op U Gees
om in die koud by my te wees
wees U my arendsvlerk o Heer
en lig my weer na hoër hoogtes
ver bo die probleme van die tyd
na U volkoom’ tevrendenheid
so hoog soos wat U Gees my neem
raak alles klein en nietig Heer
al nader sweef ek aan my God
my lief’d vir Hom; Sy groot gebod
my arendsvlug van wonderskoon
om ewig in U huis te woon
probleme weggevoer deur wind
op Arendsvlerke, ek. U kind.
4 Kommentare
-
Viooltjie
Dis baie mooi, Marisa. Goed geskryf. Mens kan sien jy het baie aandag aan die gedig gegee :-)
-
Koekekranka
Pragtige sielswerk wat die wete en dankbaarheid oor God se alomteenwoordigheid uitdra. Dit raak mens...
-
Marisa Labuschagne
Baie dankie vir al die positiewe terugvoer.
Maak 'n opvolg-bydrae
Jy moet aangemeld wees om 'n kommentaar te plaas.
Palet
Baie teer gebed