Welkom, Besoeker
Welkom, Besoeker

Titel: Blou koevert

Deur Amaspoke
Datum gepubliseer: 22 Februarie 2016 Aantal woorde: 91 1203 Kere gelees 20

Toegevou en eenkant geplaas,
en omhul met ‘n mistieke aura
bring dit die onbekende nader,
geheime dra dit met hom saam.

Dit roep vreemde gevoelens op
waar dit wag om gelees te word,
verborge, toegeplak, versteek
tussen die lyne is ‘n boodskap.

Daardie geheimsinnige koevert
is nie gevul met leë woorde nie,
want die posstempel is Hemel,
die sender is ‘n Engel van God.

Die woorde is nie ‘n geheim nie,
dit moet openbaar gemaak word.
Dis ‘n uitnodiging na ‘n feesmaal
en die gasheer is die Almagtige!

30/01/2016 © C. du Plessis




TEMAS
3 Kommentaar
  1. Viooltjie

    22 Februarie 2016

    Dis ‘n baie interessante gedig, Casper 🙂

  2. Anze

    22 Februarie 2016

    diep gedagtes baie goed vasgepen Casper

  3. neels

    23 Februarie 2016

    Pragtige werk Casper en welkom by Ink

Laat u kommentaar

GESKRYF DEUR

Jy moet ingeteken wees om boodskappe aan hierdie skrywer te kan stuur.

Publikasies: 62
Kommentaar telling: 129

Ek wou nog altyd skryf en het uiteindelik laas jaar 'n bundel uitgebring. Ek bedink nie spesifiek 'n skrywe nie, dit kom spontaan en op ingewing van die oomblik. Ek sal enige kommentaar, sleg of goed, aanvaar met ope arms. Ek het vandat ek by Ink aangesluit het reeds 2 bundels (Dubio en Askuus) die lig laat sien en van my werk is geplaas in Brose Genade, 'n bundel wat in 2015 deur Anze Bezuidenhout saamgestel is vir KANSA, en in Inkspraak, 'n bundel wat in 2017 die lig gesien het.  Ek is tans besig met 'n derde bundel.

Horison Media

AfriForum – Trotse borg van INK dig/skryf kompetisie

FAK – Trotse borg van INK dig/skryf kompetisie

Die Afrikaanse Taalmuseum & -monument – Trotse borg van INK dig/skryf kompetisie

Gebruikers Aanlyn

0 Lid, 194 gaste aanlyn

Bydraes – Argief