blouberg

 

jy alleenstaande struktuur

van besondere geologiese oorsprong

jy was dikwels my lighuis en baken

wanneer jy sigbaar word

op my pad noorde toe

 

jy troon oor die bosveld

soos ‘n matriag van ouds

om jou het die volkies

in die sand geploeg

maar min geoes

 

suid-wes van sandrivier se draai

lê jou eiland van geskiedenis vaal

blou in die vroeg oggend miswolke

waar jy troon oor skeenshoek se poskantoor

uitkyk oor die draai van limpopo se vloei

 

jou bobbejaan koninkryk wyd bekend

met sy luiperd bioom wat rykdom heg

aan omgewing van diepwater plase

oppad na berg se vivo kuip

waar teerpad om berg kruip

 

ou blouberg, jou skoonheid bitter

jou rykdomme ongevind

sal jy hierdie lewe bied

note van krans aasvoël

se krassende lied

 

Ó Tearlach.