blus

 

 

tussen asse gloei dit

elke trekkie van wind

dan vlam dit weer op

 

soveel prikkels wat spits

elke konfrontasie ‘n blits

met vlammende gevolge

 

die blus is ver van uit

wit warm die asse wat

elke oomblik kan ontplof

 

om onder die blus te leef

moet jy beginsel van vuur

goed verstaan en toepas

 

elke aanstoot het ‘n gevolg

elke gevolg stuur brandstof

na die onblusbare kolebed

 

hoe lank nog na die blus

sal ons ooit by geblus kom

en vuur nie meer verteer

 

© Tearlach.