bose oë

 

 

oor my duin loer ek na ons land

suidpunt van afrika kontinent

oertyd se skeppingsgrond

van alles en nog wat

verteenwoordig

van alle stamme

deur geboorte, inplanting

migrasie van volkere, tradisies

elkeen eie aan sy eie gebrokenheid

toe kom die afrika renaissance

gierige sub-profetiese oë

wat beginsels verruil

vir eie gewin

byna net

dieselfde effek

as die fabel van kommunisme

doodgebore in onwaarskynlikheid

sonder alle Afrikaners kan dit nie werk

so onwaarskynlik as pynappels

aan ‘n druiwe prieël

toe kom die val

die verval van die idee

in fatale korrupsie-mars

sneeubal-effek van sleg na slegste

korrup na mees korrup

waarop afrika renaissance

sy fondasie wou bou

vervalle in slegs dekades

van gierige duiwels oë

barbarisme en onheiligheid

gesteun deur nog meer gierige

oë van geldmag-outokrasie

wat in alle kleure

die reënboog

se essensie

opskep

dan

bly daar

minder as

krummels oor

vir die skape

van Sy

wei

 

© Tearlach.

(Die Afrika Renaissance is die konsep dat Afrika-mense en nasies die huidige uitdagings, wat hulle op die kontinent mee te doene het, oorkom en kulturele, wetenskaplike, en ekonomiese hernuwing bereik.)