Bruin Kardoes
Bruin Kardoes
vir jou ‘n bruin kardoes
‘n hele mengelmoes
deermekaar swiets
nikkerbols en likerish
miskien dalk ‘n kondensmelkpikkie
als bymekaar gebind met ‘n strikkie
al die dinge wat ons moes
en al die dinge wat ons wou
als pak ek in daai kardoes vir jou
al die lag en lekker
van doerie tyd tot nou
gebêre onder baie jare
begrawe onder baie stof
om uit te strooi saam’t bont hersblare
vóór ons gedagtes heeltemal verdof
© Barbara Smit – 17/05/2019
3 Kommentare
-
Loretta Szikra
Jou swiets maak dat ek my kleintyd weer ruik en mooi ou herinneringe sommer weer kan proe.
-
Barbara
ai ek verlang so my familie! Hulle is so ver xx
Maak 'n opvolg-bydrae
Jy moet aangemeld wees om 'n kommentaar te plaas.
Anze
Pragtig, baie dankie vir jou bydrae tot die Mei 2019 projek