Nota aan ’n koel komkommer
(goud)
Ek sien in my verbeelding
hoe glad jou woorde oor ’n skerm vloei
en wonder:
Sou jy – van aangesig tot aangesig –
ook so skroomloos en so vrylik
bloei?
Of sou jou woorde stadig kom –
oorweegd en selfbewus,
wetend dat jy (net soos ek)
bróós
en ook maar menslik is?
© Carma Shaw
Viooltjie
Ek skryf grotendeels gedigte vir ontspanning. Ek skryf graag oor die natuur, mense en hul stories en plekke wat ek besoek het. Ek doen dikwels 'n bietjie navorsing oor 'n onderwerp voor ek skryf, want ek geniet dit om te leer. Ek hoop altyd om darem 'n emosie of twee wakker te maak met dit wat te sê het, en dat julle lekker saam sal lees :-)
4 Kommentare
-
Margaret Cordier
Altyd puik werk!
-
Kiekies
Ja vra ek ook? Sjoe jy seg dit so reg!
-
Loretta Szikra
Goed gestel Carma. Goeie werk soos altyd!
Maak 'n opvolg-bydrae
Jy moet aangemeld wees om 'n kommentaar te plaas.
Anze
Pragtig, baie dankie vir jou bydrae tot die Mei 2019 projek