Daar’s ‘n vrou in elke kleur
Soek haar nie in rooi hartjies
en langsteelrose nie
maar vind haar in die kleure van die veld
waar die roesrooi van die duine
in boesmangras
en skaapbosgroen versmelt
as sononder sy kleurespel
met wolkformasies deel
haar toevou in ‘n josefsjas
van lila, blou en gansdonsgeel
seël in haar hart met driedoringgom
die passie van ‘n botterblom
en bemin haar in nuanses van pastel
©️Elize Kruger
7 Februarie 2022
6 Kommentare
-
IronLady
Goed gedoen. Ek hou sommer baie van jou aanslag. Shalom
-
Elize Kruger
Baie dankie!
-
Ellenelle
Dis so mooi en kleur is een van my my gunsteling dinge op aarde!
-
Tearlach
Dit is besonder mooi vir my,
-
Elize Kruger
Waardeer baie!
Maak 'n opvolg-bydrae
Jy moet aangemeld wees om 'n kommentaar te plaas.
Anze
Pragtig, baie dankie vir jou bydrae tot die Februarie 2022 – Liefde (OOP) projek