Dankbaarheid

vroeg vanoggend spoel
water van diepe dankbaarheid, koel
deur my siel en deur my hart
oor al die omgee-mense op my pad
hulle trek die sluise van hul liefde wawyd oop
bring vir my nuwe hoop
hulle steek hul hande uit
wat ek gryp met dankbaarheid
hulle help my om weer hoop te vind
huil saam oor die hartseer van my kind
ek dank u, o Heer vir omgee-mense rondom my
hulle breek my kettings en maak my vry

VRY OM WEER LIEF TE KRY