diaspora van die Boer

 

na die Anglo-Boere Oorlog

het migrasie van Boere begin

eers as krygsgevangenes na Indië

later as vlugtelinge na Argentinië

het as jong boompies verplant

wortels ingeslaan in ander

lande met vreemde kulture

in die korpus van my gesoek

het emigrasie die Boer nie altyd

begunstig nie – ontgogeld het baie

terug gekeer na hul geboorteland

Boere se diaspora het veral gebeur

na negentien-vier-en-negentig

daaruit is baie helde gebore

wat in ander lande leiers

word en hoogs presteer

oral waar hul kom ons

kultuur oordra

maar daar

vind dan ook

kultuurbestuiwing, plaas

waaruit ‘n nuwe geslag na vore kom

wat net uit die oor van hul ouers

van hul herkoms kan leer

terwyl die jeug

van ons volk

tuis hul eie lewe rig

op: “Ons bou om te bly”

en hul ouers soms nog vra:

“De la Rey, De la Rey, sal jy die Boere kom lei?” 

 

Ó Tearlach.

Diaspora- Die verspreiding van ‘n volk na ander lande.

Ontgogeling – Om iemand van ‘n illusie te ontneem op ‘n ruwe manier

Korpus – Die geheel van al die werke wat oor ‘n bepaalde onderwerp gaan

Emigrasie – Die uitbeweeg van emigrante uit ‘n land om in ‘n ander land te gaan vestig

Migrasie – Die beweging van mense van een plek na ‘n ander met die doelwit om hulself parmanent in die nuwe plek te vestig.