DIE WINTER HET BEGIN
Die maan het gisteraand ‘n traan laat dros
tot op die nagskilder se pallet
wat silver spatsels klots teen bakkersbossies
waar naggoggas reisagente
by die voordam se oorloop bekkie speel
en somer blaar armades wegseil
om plek te maak vir die winter wat begin
Die maan se skewe wit glimlag
skoffel die nag se speelkaarte met mis vingers oop
versteekte kaarte vir die somer se spelers
terwyl kapok vlokkies
kielie-kielie met die naambord by die plaashek speel
en modder spore glas spieëlbeelde word
…dan rol die somer sy beddegoed in die maanlig op
en nog ‘n druppel lê gevries gedaan… die winter het begin…
Louie
Gebore by die see, verlief geraak op die berge / platteland en woon nou in die Vrystaat saam met my vrou Charmaine en 11 maande dogter Katelyn. Was deel van WOES se eerste bundle uitgawe van 2008 onder my tweede naam Gerhard. Vroeg "afgetreë" en hou myself besig met my "kunswerke". Werk ook deeltyds aan my eerste digbundel. Alle hulp en raad sal goud werd wees ...Ag en dan die legal ding: alle regte word voorbehou op geplaaste werke
9 Kommentare
-
-
Louie
Dankie vir jou kommentaar.
-
-
Anze
Pragtig, baie dankie vir jou bydrae tot die Winter nostalgie projek
-
Louie
Dankie Anze
-
-
Janetta-Helena Boonzaaier
Mooi Louie.
-
Louie
Dankie vir die lees
-
-
Evelyn van der Merwe
Wat ken ek byvoeg? Jy mag maar. Pragtig
-
Louie
Dankie vir die kompliment Evelyn
-
-
Inkmoderator
Jy het 'n unieke manier van dinge beskryf in beelde wat vars is. Jy trap egter in die strik om baie keer woorde wat een begrip is as twee losstaande woorde te skryf. Ek het nou reeds 'n paar van jou gedigte onder hand gehad, en vind hier wéér dat jy min wys en baie skryf. Dit is nie noodwendig verkeerd nie, maar dit kan lei tot té lang sinne wat die ritmiese in jou digkuns kan vertroebel. Ek wil nie elke keer elke vers oorplak en dit dissekteer tot die dood toe nie. Ek sal graag saam jou daaraan wil werk en gee jou dus 'n kansie om hierop te reageer. Groete eers.
Maak 'n opvolg-bydrae
Jy moet aangemeld wees om 'n kommentaar te plaas.
Koekekranka
Pragtige beeld- en vergelykings hier uitgestal!