Diep en donker rafyne

Soos ‘n bal vol bloed
hang die maan in die lug
blou reën speel in die see
gly oor die branders se rug

Die aroma laat my mond water
dit hang soos lanterns in die donker
elkeen spat in sy eie rigting
soos die bloed pomp deur die water

Die son sukkel
om my vol somer te blaas
huiwerig verskyn sy eerste strale
en maak my hart vol verlange

Wanneer winter ys in jou hart
herfs afgemeet en meedoënloos verbygaan
kan jy lente en somer
in ‘n spierwit swaeltjie nes kom pak

Onthou jy die winter
die nagte lank en koud
onthou jy die lente
die koel aande onder die sekelmaan

Dit is die somer se goue strale
die eindelose branders van die oseaan
onthou van somer, ‘n herinnering
verlange na gister, en heimweë na mộre

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag