Donker Pels

Ek sien jou daar in die donker
Uit die hoek van my oog
Sluipend, soos ‘n sku Strandwolf

Diep in die ruigtes,
Daar waar jou swart pels
Verdoesel word tussen die blare en takke,
Van die wildernes van my siel

Jou welige swart pels,
Jou oë wat rooi glinster
In die bietjie lig wat die vuur in my siel ontsnap

Bringer van on heil
Bringer van swaar tydings
Bringer van dood

Wyk
Wyk sê ek vir jou

My Woede,
My angs,
My passie,
Alles sal ek in die vuur werp

Warmer en warmer,
Hoër en hoër,
Sal ek die vuur laat brand

Alom verterend tot niks oorbly
Tot daar geen wegkruip plek oorbly
Waar jy met jou swart pels kan weg kruip nie

Wys jouself…
Jy hoort nie hier in my siel

Brand sal my vuur brand
Tot net ek oor bly.

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag