
Donkerkyker (brons)
innig gestraf
is boeie lomp geskaaf
soos rouheid
strak geraak is
op sy brose blad
klein word die hartswand
glad gevat
omdat domtrots
struikel met afvlerke
en skuiwergat kromnekke
daar waar ‘n skouer
swart weg kon was
swalk pote weg
diep in ‘n donker woud
tot hardkoppigheid
lig word
in genadedood
2024
©Louw-Marie Sauerman
1 Kommentaar
Maak 'n opvolg-bydrae
Jy moet aangemeld wees om 'n kommentaar te plaas.
Anze
Pragtig, dankie vir jou bydrae vir Julie 2024 – OOP projek