eenvoud
modder trapsels tussen tone
troebel water uit fontein se borrel
kleilat oorloë wat gewen moet word
hartseer by eerste bok se verglaasde oë
flinkheid by ontbyt tafel met pap en kaiings
vermurwe hart na eerste nooientjie se klapsoen
lam lyf na hoogste sprong oor “taro” die luislang
lekker sny van winter lug deur moeë longe
pompende adrenalien van vinnige draf
druppel traan na laaste kluit oor kis
tot ons weer sien my seun
tot ons weer sien my pa
skim van voordag lig
saam met bosbok
se bravade blaf
tinktinkie
vroetel
stemmetjie
in die ruie gras
©Teárlach
3 Kommentare
-
Kiekies
Ahhh dis mooi!!
-
Tearlach
Baie dankie Anze en Kiekies. Ek waardeer julle opbeurende woorde sommer baie.
Maak 'n opvolg-bydrae
Jy moet aangemeld wees om 'n kommentaar te plaas.
Anze
Pragtig, baie dankie vir jou bydrae tot die Julie 2019 projek