ek spesiaal

 

wie is ek

armsalige gees

wat maak my spesiaal

is daar iets besonders in my

ek is ook maar net mens

 

tog is ek deel

deel van die kroon

van God se skepping

bedoelde nageslag van Hom

deel van : “Bruid vir Sy seun”

 

God het mense na Sy beeld geskep

voor die grondlegging van die Aarde

het God dit reeds so beplan

dat die mens in ewigheid

saam met Hom oor

Sy skepping sal

heers

 

jy is nie ‘n fout nie

jy is een van God se unieke

en mees doelgerigte skeppings

God het die wêreld vir die mens geskep

nie die mens vir die wêreld nie

jy maak deel van Sy

ewige doel uit

 

“Hoe kan jy dan nog twyfel oor wie jy is?”

 

© Tearlach.