Ek Was Daar
Ek Was Daar
My laaste vakansie was soos altyd op
die plaas die enigste plek waar ek ooit
volkome geestelik ontspanne kon rus,
maar die plaas was verkoop – – –
Ek was daar toe die pragtige trop
Rooi Afrikanerbeeste kom laai was,
Ek was daar toe die vee deur die rivier trek
met die twee kelpies na die nuwe eienaar toe
en my hart wou breek toe ek agternakyk – – –
Ek het gekyk na die mooi plaas en handewerk
en alles wat so stuk-stuk weggery word en
skryf baie moeilik oor die afskeid wat deur
ouderdom afgedwing was en niemand wat
verder kon boer nie – – –
Die dag toe ons finaal vertrek het my pa,
toe al diep in die tagtig jaar die Chevrolet
bestuur en ek die Landrover, steeds vol gelaai – – –
Ek was daar in my grootse geluk en vreugde,
en ek was daar in my grootste verdriet
met die laaste vertrek van die plaas
toe die naelstring finaal geknip was – – –
Janetta- Helena [Babs] ©
4 Kommentare
-
-
Janetta-Helena Boonzaaier
Nee Koekekranka, die afskeid had geen onaangename newe effekte gehad nie, die hartseer kon ons met die tyd verwerk het want die ouderdom het gepraat! My pa was as ek reg onthou 85 jaar oud en steeds 'n groot boer, maar die kragte kon nie meer alles bybring nie, en die mooi plaas moes gaan! Tot vandag toe mis ek my vakansies op die plaas, My ouers is lankal albei oorlede maar sy handewerke op die plaas is nog daar.
-
-
Viooltjie
Hierdie skrywe van jou ruk mens aan die hart, Janetta. Ek het nou sommer 'n traan in die oog
-
Janetta-Helena Boonzaaier
Ek het gladnie oordryf nie, daardie dag was vir my so traumaties, en daar kom dae dat ek nog so nostalgies raak al weet ek dat hulle te oud geraak het om aan te gaan. Ek het twee broers gehad, 'n tweeling, albei mediese dokters, en die een was reeds op 45 oorlede, en die ander een werklik geen boer nie, ook vroeg in sy vyftigs oorlede! Ek kon die getroue kelpies nie vergeet nie en vir ou Boel wat ons moes agterlaat, en van die groot boerdery het ons net die klein hondjie en die siamese kat saamgeneem!
-
Maak 'n opvolg-bydrae
Jy moet aangemeld wees om 'n kommentaar te plaas.
Koekekranka
So praat almal van ons tyd -sommiges eerlikreguit soos jy, ander onhorendmompelende omdat erken van boedeloorgawe met skynheilge verskonings versmoor word; ander weer, steek liefs volstruisagtig kop arrogant, selfveskonend en -regverdigendend in die sand... Afskeid is selde maklik, maar die erosie van die etiese daarna baar dikwels onberekenbare siele-skade... Ek lees jou dalk heeltemal tot eie ervaring. Indien so, verskoon maar!