werda

 

Halt!

Wie gaan daar?

wie staan agter die bos

hande hoog! Staan of ek skiet!

uit die ou bosoorlog-verlede

kom die oproep steeds

dringend, bevelend

duidelik en snel

antwoord

of jy is

in die hel

om werda te kan sê

moet jy wakker wees

moet jou verstand

helder kan dink

jou reaksies

soepel en

snel

wees

jou lewe

hang daarvan

af

so moet jou

woorde

vas

kan staan

om ja, ja te maak

en nee, nee

 

© Tearlach.

 

(Werda – kom uit Duits (wer geht da?)