era(ta)

 

wat jy gister gesê het

is duidelik gladnie wat jy vandag sê

wanneer jy so terug loop op jou standpunte

dit laat onuitveebare twyfel oor jou integriteit

en dit brand soos vuur in ‘n bloekombos

van my realistiese lewensbeskouing

 

poli-tiek van vandag is ‘n duister nag

poli-tici was nog altyd daar net vir die geld

wanneer hulle jou vertel iets is heel veilig

moet jy juis bevrees word oor jou lewe

hul bedoel juis die teenoorgestelde

 

poli-tici is anders as leeraars

hulle hoef nie ‘n morele front te handhaaf nie

vir hulle is dit die prys van die boodskap wat geld

of dit nou dollars, rande of yen is – maak nie saak

 

wat wel saak maak – is die parlementêre pensioen

wat elkeen gaan kry met al sy voordele

voltooi net een termyn

 

Ó Tearlach.