ervaar jou droom

 

 

uit die grys van donker wolke

uit mis wat kom oor die see

oor die stof van my duineê

waar meeue skril skreeu

klink die klanke van golwe

oor ons mooie baai

ek sal dankie sê, ek sal bid

ek sal opstaan, eksal aangaan

alles net om bly te wees

in my gedagtes versonke

verdwaal in my drome

oor tye ver in die verlede

skryf ek uit my hart

oor die wil en weë

van geheel my volk

onder verdrukking

wat staande bly en aanhou stry

waarlik nog in eie reg en kultuur

ons kindwees geborge

 

in die dagbreek van ons somer

na die bitter nag van smarte

breek daar sonstrale van ons jeug

deur die duister mag se donker

klink daar nuwe klanke

versprei oor lande en grense

klink ons stem helder op

dra ons woorde en werke

die vaandel van ons Here

 

deur die mis wat rus oor wit grafstene

breek die lied weereens helder op

staan op, staan op vir Jesus

op Sy almag vas vertrouend

een hand op Sy Woord

een hand aan die ploegstert

breek ons liefde deur die braakland

van ’n wêreld koud en vyandig

saai ons lig en vrede

 

 

© Tearlach.