Ewige (open)baring
In die skoot van jou ewigheid
het jy gegroei tot die volmaking
van Sy gebod vir jou lewe
sweersel tot geloof
gedagtes gekloof
waar ñ ander wêreld
se lewe binne jou lewe
siel
liggaam
en gees
gehuisves om die bepaling
van jou eie wil
te buig tot vernuwing
sodat die einde in die begin
ooreenstem met die plan
van jou lewe
soos ñ kroniese beweging
vloeiend in die nagedagtes
van dit wat bygevoeg is
tot die kookpunt van wysheid
sodat die gestremde skoonheid
van jou waarhede
die opofferings weerspieël
in die ewebeeld van dit
wat geskryf staan
in die oë wat terugstaar
wanneer jy in die spieël kyk
en ñ glimlag vou om die hoeke
van die keuses
wat jou gevorm het
wat jou gebreek het
danksegging in eenvoud
dat jy bestem is vir meer
lê hier oop voor jou
en jy val nederig op jou knieë
want jy het lewe
ewige lewe.
© 2018 C. Holder
Somerreën
Chantelle Holder is op 3 Oktober 1983 in Evander in die Mpumalanga distrik van Suid Afrika gebore. Sy is die tweede oudste van vier kinders. Sy matrikuleer in 2001 in Secunda en is steeds woonagtig in Secunda. Sy het begin skryf in 2004 om terapeutiese redes en het tot dusver baie bevryding en vertroosting ervaar deur woorde. Sedertdien spog sy met so 1300 gedigte en beoog om heelwat publikasies uit te bring in die komende jare. Chantelle skryf steeds, en hoop om ander deur haar woorde, met inspirasie te vul. Sewe (7) gedigte van haar is al gepubliseer deur die Christian Poetry Association, naamlik: The Greatest Gift - "Thank You Father" River of Life - "Vlieg saam my" Watched by an Angel - "Hooggety" Eternal Voice - "Alleenlik deur U" Shalom - "Dit begin by jou" Journey of Faith - "Geseënde ween" Oasis of Life - "My Kind" Asook ñ enkele gedig in ñ GR. 8 Werkboek: Metamorfose Fase 1 Afrikaans (EAT) Werkboek Gr.8 - "Straatkindertjies" Debuut bundel - Somerreën - ñ Ewige September (Oktober 2015) Haar volgende bundel sal in 2016 gepubliseer word, getiteld Somerreën …. Deur die genade van Bo….
Maak 'n opvolg-bydrae
Jy moet aangemeld wees om 'n kommentaar te plaas.