Jongste aktiwiteit:

geaborteerde vlaktekind

die vlaktekind kriewel krioel
vandag waar sy fetus lê
in die holte van my ribbekas
en skreeuend verklaar sy verlange
na poeierstof soutpanne
waar duiwelwinde dwarreldans
ballet pirouette-passies in stofjassies
hallusinasies hittegolf migrasies
waterpoel stagnasies skilfervel
en sinkplaatpaaie geelslangkronkel
verder en verder in die niet verdwyn
ʼn vergete rolbos tolbos tiekiedraai
teen die driedoring vasgewaai
en swart verbrande rooi ysterklippe
grafsteenhopies lê soos Moses
se tien gebooie … kliptafels
gebroke wette woordloos

 

die vlaktekind in my hart
se vrugwatersak
is voos en swak
sy wil uit
moet uit
om te gaan groet
waar namakwaduifie sy maat kie-kier roep
die oopbars kraters van  ʼn rooi granaat se soet
en dorperooie hulle tweelinge vol-uier voed
te gaan sit in die begraafplaas op  ʼn bidklip
terwyl kanniedood se rooi klokkieblom
koggel-koggel … jy is mens … jy kan dood

 

want sy versmoor, ek het haar kyk vermoor
haar  verblind, sy kan nie die plek vind
waar aarde en hemel saam aanbid
vrot verrot die vlakte-fetus in my hart se punt
©Elmyn.

 




1 Kommentaar

Maak 'n opvolg-bydrae

Up
Top Ranked Users

[joinup_core_top_members columns=”1″ space=”no” max_members=”3″ behavior=”columns” columns_responsive=”predefined”]

Activity Feed