Nuwejaars Reën

Nuwejaar se reën

As die reën val op my nuwejaar
Ontkiem die bitteralwyn
Spoel slote deur my dorsland
Chernobiel se druppels brand my grense af

As die reën val op my nuwejaar
Sal ek appelbome plant in die rou geploegde vore
Sal ek druppels vang en kristalle groei in my grotte
Sal die reën hul gisterjaar se bekende spore vat

As die reën val op my nuwejaar
Sal ek harder bid as die strome se gesanik
Sal ek die water weglei na gunterland
Sal ek deur jou modder loop en feast op my reënboog

As my trane val ook op nuwejaar
Sal ek ‘n papierbootjie vou met jou naam op
Sal jy wegvaar op my oseaan
Sal my nuwejaar in geilgroen sonder jou verder soek na die son

net kulu

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag