GENEES MY – SONDAAR SE GEBED

Nederig Heer
val ek oor die sondes van Eden
my erfstuk
nederig Heer
soek ek U genade
deur geboorte uit U Gees

Kaal gestroop
van al my aardse kastele
vervalste mure deur U Liefde afgebreek
kaal gestroop en stukkend
aan U deurboorde voete stil verslaan

Kyk my nie verby my Heiland
vergewe my my dade
vergewe my my saamlag
met die Adams nageslag
terwyl U bebloed gestrompel het
Golgota toe vir my

Ek kruip in U bebloede voetspore Golgota toe
‘n halwe niemandskind
gesoek deur die duiwel vir sy trofee kas
waar hy en sy demone
vir die Timmerman kan lag.

Genees my Heer
spoel en reinig my deur U Gees van genade
maak my krom paaie reguit
tot waar ek op my knieë
elke dag die Kruishout gade slaan

Lei my deur die tuin
tot voor die weggerolde klip
wys my die leë graf
en genees my van die vloek van Eden
sodat my naam geets word in die Boek van Lewe
en U wil vir my op aarde
tot U verheerliking mag geskiet

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag