Gister-ek
Ek wens ek kon met myself praat,
Maar nie op so ‘n manier wat ek mal lyk nie
Ek wil met die ek praat wat amper nie eers ek is nie
Die ek wat nog vashou aan seer
Die ek wat in sy bed lê en bang is vir more
Die gister-ek
As ek net ‘n kans kon kry
Om ‘n draai by hom te maak
Net om vir hom te sê
Dat hy maar rustig kan slaap
Want die vandag-ek
Is meer as ok
En as die gister-ek dit geweet het
Kon ek gisteraand meer slaap in kry
Vanaand dink ek weer
Aan ‘n klomp ander goed
Terwyl ek vir die morê-ek wag
Want hys ook seker nou al lekker moeg
2 Kommentare
-
Anze
mens wonder nogal of die "EK" van gister en more vir jou sou luister... baie goed gepen Niel
Maak 'n opvolg-bydrae
Jy moet aangemeld wees om 'n kommentaar te plaas.
Toom
Ja, Niel, ja! Op 'n ander werf, in 'n vorige lewe, het iemand geskryf: ,Praat met jouself. Praat, praat, praat...' So ongeveer. En ek meen jy het dit wat hy aanbeveel het, goed gemaak. GvT