Glas

Glas

Ek wil dit hê
maar my seer gebreekte woorde kan dit nie sê
my keel brand uit
want my hart sit gepak met selfverwyt

≋u≋i≋t≋
≋u≋i≋t≋
≋u≋i≋t≋
hakkel my woorde
hulle drup terug tot binne in my hart
ek sien net swart

my begeerte
lê
in woestyn droogte
pê
leeg

ek beweeg
in hunker voetstappe
en wys jou my drome dolleeg
verglas in seer
tot voor jou sit ek dit neer

vat my glas
maar breek dit asseblief net nooit weer

©️Wendy Leigh