Jou liefde is huis

in my hart
lê versuikerde drome
deur leuens versuur
sag soos satyn
het jy my trane afgedroog
jou omgee
marshmallow my hart
“I love you without knowing how,
Or when, or from where”
jy’t die suur met jou sout kom versoet

ons beloftes
was soet soos strooisuiker
toe lewe se bitter ons laat verstik
dankie dat jy gebly het
in die taai toffie tye vir my baklei het
dankie dat jy die moeilike tye soeter maak
jou liefde
is huis vir my
dis daai smelt-in-jou-mond
lekkerkry gevoel

©Jessica Venter
01/08/2018