JUNIE 2023 – Winter projek
Beste INKers
Die winter kruip nou behoorlik tussen vel en been in, en ek kan aan niks anders dink wat die bloed so warm laat klop soos die Afrikaanse letterkunde nie.
Hierdie maand is daar ‘n uitgebreide opdrag en ek moedig elkeen aan om die voorskrifte mooi te lees. Neem gerus deel.
GEDIGTE:
1. Skryf ‘n HAIKOE (HAIKU)
2. Gebruik die winter as tema
3. Poog om ten minste een neologisme in te sluit
4. Die vers sal streng volgens die voorskrifte van die Haikoe gekrit word.
MENINGSTUKKE:
1. Deel jou mening oor die volgende stelling: ‘n wintervakansie is bloot net nie goed genoeg sonder sneeu nie
2. Minder as 800 woorde
3. Meld jou woordtelling langs jou opskrif.
RUBRIEKE:
1. Skryf ‘n rubriek waarin jy die winterdood met die menslike toestand vergelyk
2. Minder as 800 woorde
3. Meld jou woordtelling.
ARTIKELS:
1. Jou tema: Die klimaatsverandering debat
2. Minder as 1200 woorde
3. Meld jou woordtelling.
VERHALE:
1. Skryf ‘n storie (wat in die winter afspeel) waarin die hoofkarakter ‘n heldedaad verrig.
2. Minder as 1500 woorde
3. Meld jou woordtelling.
Lekker skryf.
Innoverende mense skryf in Afrikaans.
Skryfgroete
Projekbestuurder
Anze
Woorde is my asem en skryf my passie!!! Ek waardeer elke stukkie kritiek, verkieslik positief, maar kan die negatiewe ook hanteer. Dankie dat jy die tyd neem om na my werke te kyk en dit te beoordeel. Ek is n Boeremeisie in murg en been... mal oor die wye natuur van plaaslewe wat my omring Ek is getroud met die wonderlikste man (Willie). Ons is geseend met 3 pragtige dogters en 'n kleinseun en 3 kleindogters. My verhouding tot my Skepper loop baie diep en ek dank Hom elke dag vir al die voorregte en genade gawes wat ek so onverdiend ontvang... Loutering is deel van my lewe en ook daarvoor dank ek Hom daagliks want dit maak dat daar altyd groei in my lewe is...
Maak 'n opvolg-bydrae
Jy moet aangemeld wees om 'n kommentaar te plaas.