Jy was die wind onder my vlerke

Jy was die wind onder my vlerke

 

Intro

onder my vlerke was jy die wind

waarmee ek die regte paaie kon vind

jy was vir jare die kompas op al my weë

jy’t die rigting wat ek moes volg getrou gegee

 

Vers 1

in al my drome verlang ek na jou

wil jou altyd in my arms toevou

vir soveel jare het ons saam gevlieg

op die strome van die wind gewieg

na bestemmings vir net ons twee bedoel

al wat nou oorbly is heimwee wat ek voel

 

Vers 2

my hande trek die lyne van jou naam

kom terug na my toe en vat my saam

kan ons tog net een keer weer probeer

die liefde wat in my brand maak so seer

ek wil in die liedjie die woorde bring

om oor elke goue oomblik te kan sing

 

Koor

jy was die vlerke onder die wind

waarmee ek die regte paaie vind

jy was die kompas op al my weë

die rigting wat ek moet volg gee

 

Vers 3

al die dae wat ons bymekaar was

het nou gebreek en versplinter soos glas

my hart lê nou stukkend as ek omdraai

my seerkry moet ek nou gaan aflaai

sodat ek ‘n nuwe toekoms kan bou

daar is geen wind onder my vlerke sonder jou

 

Brug

sonder jou liefde kan ek nie oorleef

dis na ons samesyn wat ek nou streef

kom wees weer die wind onder my vlerke

my verlange na jou ken geen perke

kan ons nie weer van vooraf begin

laat liefde oor al die seerkry oorwin

 

Koor

onder my vlerke was jy die wind

waarmee ek die regte paaie vind

jy was die kompas op al my weë

die rigting wat ek moet volg gee

(3x)

©Kopiereg Linda du Plessis 2024