Welkom, Besoeker
Welkom, Besoeker
Taal waarskuwing*

Titel: Kakiebossade (Engelse sonnet) (Goud)

Deur Seirdna
Datum gepubliseer: 23 Junie 2022 Aantal woorde: 96 80 Kere gelees 3

kakiebossade staan blou na die reën
wuiwend gelate galant in die wind
jare gelede met ‘n rooi gedreun
stil-stil hul weg oor die waters gevind

In die ryptrap van ‘n winterlandskap
het voete van haat die somers verniel
bo-oor die kinders se toekoms getrap
die aarde verbrand en vroue ontsiel

wie sal onthou van ‘n boervolk se leed
van die werke van helde se hande
in ‘n land waar burgers hul eer vergeet
en die leiers verlei word deur rande

groot die genade my hart is verlos
my boerperd hou baie van kakiebos

Andries Fourie
23.06.2022




TEMAS
1 Kommentaar
  1. Anze

    23 Junie 2022

    Pragtig, baie dankie vir jou bydrae tot die Junie 2022 Winterlandskap projek

Laat u kommentaar

GESKRYF DEUR

Jy moet ingeteken wees om boodskappe aan hierdie skrywer te kan stuur.

Publikasies: 81
Kommentaar telling: 127

Gebore in Oos Londen; Grootgeword in Steynsburg Noord-Oos Kaap. Getroud  3 seuns, twee kleinseuns en 'n kleindogter. Van kleins af lief vir skryf. Opstelle was my ding en ek was nog altyd versot op die digkuns. Mal oor sport; het van jongs af briewe vir die Springbok rugbyspelers geskryf en hul handtekeninge versamel. Het later self provinsiale rugby vir die destydse Transvaal (Leeus) gespeel en saam met my ou skoolhelde soos Kevin de Klerk op die veld gedraf. Het Dr. Craven ontmoet en in 'n Curriebeker eindstryd gespeel. Dit was ongelooflik. Daar is twee diersoorte wat deel is van my lewe en vorming nl. perde en honde. Perde is sus en honde is so, beide wonderlik in my wese ingegrafeer. Geen gedig kan die perd se grasie en prag, of die hond se liefde en toewyding genoeg vereer nie. Die digkuns trek my soos 'n magneet. Ek wil dig oor alles om en in my, met ritme en rym. Sou hierdie talent my onderskei; wil ek dit aan my Heer toewy en gedigte skryf met 'n kwinkslag ,wat dalk die dissipels laat lag en hopelik miskien eendag in die hemelse biblioteek geag en gelees word.      

Horison Media

AfriForum – Trotse borg van INK dig/skryf kompetisie

FAK – Trotse borg van INK dig/skryf kompetisie

Die Afrikaanse Taalmuseum & -monument – Trotse borg van INK dig/skryf kompetisie

SOLIDARITEIT – Trotse borg van INK dig/skryf kompetisie

 

Gebruikers Aanlyn

3 Lede, 168 gaste aanlyn

Bydraes – Argief