Kakiebossade (Engelse sonnet) (Goud)

kakiebossade staan blou na die reën
wuiwend gelate galant in die wind
jare gelede met ‘n rooi gedreun
stil-stil hul weg oor die waters gevind

In die ryptrap van ‘n winterlandskap
het voete van haat die somers verniel
bo-oor die kinders se toekoms getrap
die aarde verbrand en vroue ontsiel

wie sal onthou van ‘n boervolk se leed
van die werke van helde se hande
in ‘n land waar burgers hul eer vergeet
en die leiers verlei word deur rande

groot die genade my hart is verlos
my boerperd hou baie van kakiebos

Andries Fourie
23.06.2022

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag