Karoo liefde
Ek bou vir my ʼn huisie
in die dorre droë Karoo
In die wind en stof
gaan ek myself vind
Die windpomp fluit
ʼn deuntjie in die wind
Die kraai skree jou naam
jou stroopsoet woorde kom weer tevore
Die wolke gooi skadu oor die grond,
maar verdwyn weer gou soos die
mooi woorde uit jou mond
Jou liefde het jy geneem
saam die swaeltjies verhuis
tot die volgende een.
Jy het belowe ons sal dans in die reën,
maar die son brand rooi
en soos ʼn tolbos waai ek alleen.
3 Kommentare
-
Callie Vermeulen
Pragtige gedig Charne!
-
charne
Baie dankie.
-
Maak 'n opvolg-bydrae
Jy moet aangemeld wees om 'n kommentaar te plaas.
Anze
Pragtig, baie dankie vir jou bydrae tot die Julie 2018 - OOP projek