Kinder konflagrasie

Rye stof spore
in lande verlore
klap die skote
van kinderkore.

Maseer kleine voetjies
in skoene te groot
Ak’s op die rug –
Hul lot se nood

Bedags geroof
van vredesgeloof
en snags van
hul kindwees onthoof.

van kleins af geweldaad
nie te skroom vir die misdaad
die boompies gebuig
vir doodsskadu te juig.

Hul Sahara-sandput
vol gebeentes.
Sintetiese wip-plank
hul leemtes.
Kindwees net lae
fata morgana.

© Carla Visser
28.11.2017

(‘n Fata Morgana is ‘n ongewone en komplekse vorm van superieure mirage wat in ‘n nou bandjie bokant die horison gesien word)