klippies van geloof

klippies van geloof
geskryf deur Dale Penderis ©

‘wyl ek hier lê met my arms onder my kop gevou
gepantser met warm komberse teen die nanag se kou’
dwaal my gedagtes na dawid se dae
en ek wonder had hy ook dinge wat hom sou pla
ek sien God se plan vir n herder van skape
tot koning geroep nou reeds ontslape
vanwaar sou hy sy psalmgedagtes ontvang
in ink neergepen in onse belang
hy had geen bril wat die toekoms kon sien
maar hy was geskep om vir Jahweh te dien
net so is ons ook geroep net soos hy
om daagliks ons sondes en skuld te bely
gehoorsaam te wees soos deur die Here gevra
ons sondeskuldlas het Hy reeds gedra

klippies van geloof en n ou velslinger
verslaan die dinge wat jou so hinder