Konkawe gedagtes
Grysgroen oë gluur terug
uit ‘n stil-spieël-refleksie
merk bekende goud-glinster
hoor ‘n skaam, skugter lag
Staar na sagte, skewe strate
deur lewenspotlood geskets
wasem en verberg- vinnig
vodde- flentersiel- venster
Gesamentlik deel hul mee
in vreugde, vrede en smart
as son skerp weerkaats
word hul gevoel getart
Sy eien jou elke gedagte
deel jou grys-grou gewete
onthou toeka- herinnering
van drome reeds vergete
Evelyn van der Merwe
Ek skryf om leeg te word van wêreldse struikelblokke en voller te word met die talent wat my Skepper aan my toevertrou het. So glo ek dat mens tree vir tree en woord vir woord eendag weer oorwinning sal behaal.
3 Kommentare
-
Somerreën
Besonders geskets.
-
neels
Soos altyd kom Evelyn se prag talent na vore
Maak 'n opvolg-bydrae
Jy moet aangemeld wees om 'n kommentaar te plaas.
Anze
puik gedig!