laat gaan

 

 

laat Gods-water

oor Gods-akker loop

moet nie teen prikkels

skop en stoei nie

 

oor my duin

oordonder die geluid

nog een wit huis word

steen vir steen gebou

 

saam met elke

veranderlike in jou

verander jou omgewing

teen die spoed van lig

 

soos elke sonsopkoms

nuwe lig en lewe kom baar

oor die wye see en strand

so lewer dit gedagtes

 

my duin lê rustig

in die wete dat Hy daar is

oral en ewig, in beheer

van Sy skepping

 

© Tearlach.