Leemtes vol
Wat baat jy daaruit
om jou lewe lank
te jaag na dit
wat jou vredeloos laat
spoedig hoe jou soeke
en giere en geite
voorkeur moet kry
die eie ek
wat net wil hê, hê, hê…
die selfsug
wat suur net daar lê
hoe aards het ons geword
met meer en meer goeters
huise vol van niks
en tog het ons nie
meer plek in ons lewens
vir die dinge wat regtig
saak maak nie
soos tyd
en om mekaar
werklik waar te koester
te lewe
in die oomblik
van nou
ons hou ons besig met snert
en wil dan weet
hoekom is ons lewens
so leeg
altyd ñ leemte
wat gevul moet word
oneindiglik
hoe daardie leemte
net groter word
en ons koop en ons besit
so baie verganklikheid
en tog is ons leeg.
© 2019 C. Holder
Somerreën
Chantelle Holder is op 3 Oktober 1983 in Evander in die Mpumalanga distrik van Suid Afrika gebore. Sy is die tweede oudste van vier kinders. Sy matrikuleer in 2001 in Secunda en is steeds woonagtig in Secunda. Sy het begin skryf in 2004 om terapeutiese redes en het tot dusver baie bevryding en vertroosting ervaar deur woorde. Sedertdien spog sy met so 1300 gedigte en beoog om heelwat publikasies uit te bring in die komende jare. Chantelle skryf steeds, en hoop om ander deur haar woorde, met inspirasie te vul. Sewe (7) gedigte van haar is al gepubliseer deur die Christian Poetry Association, naamlik: The Greatest Gift - "Thank You Father" River of Life - "Vlieg saam my" Watched by an Angel - "Hooggety" Eternal Voice - "Alleenlik deur U" Shalom - "Dit begin by jou" Journey of Faith - "Geseënde ween" Oasis of Life - "My Kind" Asook ñ enkele gedig in ñ GR. 8 Werkboek: Metamorfose Fase 1 Afrikaans (EAT) Werkboek Gr.8 - "Straatkindertjies" Debuut bundel - Somerreën - ñ Ewige September (Oktober 2015) Haar volgende bundel sal in 2016 gepubliseer word, getiteld Somerreën …. Deur die genade van Bo….
1 Kommentaar
Maak 'n opvolg-bydrae
Jy moet aangemeld wees om 'n kommentaar te plaas.
Koos Elsum
Ja nee dit is so die lewe van meeste & ook seker ons sin dankie vir die boodskap. Skryf publiseer waarom so stil? Dit sal meskien ń beter gedig wees as jy meer wys hoe ons materialisties bestaan ons verarm as net om stellings te maak dan kan lesers hul eie gevolgtrekkings maak. Net my opinie