Lees jy my?
my builtelyne sien jy
met die eerste oogopslag
my binne lyne lees jy
– jy lees dit elke dag
maar tussen al die lyne
lê die wete van my wese
die ongeskrewe woorde
die mis- of ongelese
en hoe sal jy dit verstaan
ek ken self nie eens die taal nie
om dít wat tussen lyne lê
uit my leemtes uit te haal nie
al my lyne lê ek voor jou neer
maar in my spasies – daar’s ek méér
© Carma Shaw
Viooltjie
Ek skryf grotendeels gedigte vir ontspanning. Ek skryf graag oor die natuur, mense en hul stories en plekke wat ek besoek het. Ek doen dikwels 'n bietjie navorsing oor 'n onderwerp voor ek skryf, want ek geniet dit om te leer. Ek hoop altyd om darem 'n emosie of twee wakker te maak met dit wat te sê het, en dat julle lekker saam sal lees :-)
Maak 'n opvolg-bydrae
Jy moet aangemeld wees om 'n kommentaar te plaas.