Legkaart

LEGKAART

God plaas ‘n legkaart voor jou neer,
die stukke deurmekaar:
Jou lewensprent moet jy nou bou.

Jy soek en skommel, pas.
Tussen die donkerte en lig
neem die patroon ‘n vorm aan.

Uniek is die patroon.
En dan: Die kleur verdiep.
Die pyn verdiep.

Dis seer, o Heer ….!
Kan ek nie maar van hierdie een
ontslae raak nie?

U moedig aan:
Pas jy dit in –
Ekself het dit gekies.

Wanneer die prent
eendag voltooi sal wees,
sal jy verwonderd vind:

Uit skaduwee en lig
straal daar
die glans

van
God se
aangesig!