Liefde deur U oë

Geweeg en te lig bevind vir die geloof as
ek so na U lewe kyk my Heer…
lankmoedig en vriendelik
onselfsugtig
oorgegee aan die skare
foutloos en vlekkeloos

Hoe en waar het ek my hoop verloor –
ongevraagd myself verhoor
om te vind ek’s leeg en my binnegoed vol
paljas?

Laat ek soos ʼn verlore seun
in die arms van sy Vader vrede vind
en laat my die liefde deur U oë sien…
fees in U genade wat
dagbreek in die donkerste donker
en edelmoedig U kruis dra

© Cornien Naudé
20/02/2022

1 Kor. 13:13
En nou bly geloof, hoop, liefde –
hierdie drie; maar die grootste hiervan is die liefde.

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag