Liefde vir my kinders (Engelse Sonnet)

Laat liefde vir my spruite
nie versprei in oggendwind
sagkens koester teen my ruite
waar my hartklop warm klink

weef geduld sorgvuldig deur my wese
soos vlamme hoog vure stook
help my Heer met regte keuse
alle wysheid vassoom ook

gewis is ek van vlees gemaak
feilbaar met ’n hart van goud
eendag sal verstaan hul traak
my liefde duisendvoud

maar as ek sou fouteer
help my dan, O Heer!

© Taai Bonthuys