maak reg wat krom is

maak reg wat krom is
geskryf deur Dale Penderis ©

kLop klop disselboom
ʼn handvol gerwe en ʼn valse kroon
nege vrot vrugte
vir ʼn omgekoopte loon

gifappels en demone
engele sonder krone
uitgespeende bittermelk
koeie van basan
ongelyke dobbelstene
agterryers van laban

ontblind ons vir die waarheid
saai die mosterdsaad geil
om ons vuil velskoene
vir skones te verruil

die wa trek skeef
laat loop dit reg
laat kLop klop klop
op die ware weg