my stabiliteit

my stabiliteit
geskryf deur Dale Penderis ©

in die storms van feilbaarheid
en menslike onstabiliteit
is U vir ewig en altyd
my beloofde standvastigheid

al bevind ek my in ʼn kolkende rivier
sal die waters my nie oorstroom
want U is altyd vir my hier

al brand die vure fel
in ʼn vuuroond vlammehel
kyk ek nie angstig heen
dis op Ú op wie ek steun

gister, vandag en tot in ewigheid
staan Sý woorde vas
ʼn onbeweeglike beleid
daarom begroet ek elke dag
met ʼn hart vol dankbaarheid