‘n baie koel Februarie
van nou af
oor ‘n maand
teen hierdie tyd van die aand
sal dit skemer wees . . .
ek weet
die son sal nog effe
agter Tagelberg gloei
en ek sal verstom wees
oor die kleur van ‘n hemel
wat so bloedloos
kan bloei
die populiere se blare
sal nouliks nog hang
en die eerste koeltes
sal ~ half onwelkom ~
die soeltes vervang
ja, ek is een
wat oor die winter kan wroeg
oor die grou en die grys en die koud
en Maart se lelies is reeds aan die blom
‘n hele vier weke te vroeg.
hierdie tyd van die aand
van nou af, oor ‘n maand
sal dit skemer wees . . .
ek weet
C. Shaw
26 Februarie 2016
Viooltjie
Ek skryf grotendeels gedigte vir ontspanning. Ek skryf graag oor die natuur, mense en hul stories en plekke wat ek besoek het. Ek doen dikwels 'n bietjie navorsing oor 'n onderwerp voor ek skryf, want ek geniet dit om te leer. Ek hoop altyd om darem 'n emosie of twee wakker te maak met dit wat te sê het, en dat julle lekker saam sal lees :-)
10 Kommentare
-
-
Viooltjie
Groot dankie, Anria. Ek waardeer ☺
-
-
neels claasen
Ek stem saam met anze jy oortref jouself hier
-
Viooltjie
Baie dankie, Neels. Ek waardeer die saamlees 😊
-
-
Janelotte
Pragtig, Carma!
-
Viooltjie
Dankie, Janolette. Ek waardeer baie :-)
-
-
borrels
My gunsteling ... jou openingstrofe :-) Baie mooi geskryf.
-
Viooltjie
Baie dankie vir die saamlees en kommentaar, Borrels. Ek waardeer dit baie.
-
-
Kiekies
Applous applous applous aanhoudende applous! Wonderlike gedig!
-
Viooltjie
Baie dankie, Kiekies. Ek waardeer baie :-)
Maak 'n opvolg-bydrae
Jy moet aangemeld wees om 'n kommentaar te plaas.
Anze
wow.. MEESTERLIK!!!!