‘n Digter se woordsomme

Vannaand se versoek
Gee verdwaalde woorde ‘n boek
‘n Skrywer se spookdorp donker en vervloek
+

Die sterre wil val
Want die wêreld raak mal
Siele word verban in die groot donker heelal
×

Toe oë versoek ‘n droom
Onder sedasie word woorde aan jou siel vas gesoom
Die skaduwee wat jou volg vrolik en vroom
÷

Wakende oë word belet
Om te gaan wandel oor die betowerende silhoeët
Sonder die medikasie bly dit ongelukkig ‘n halwe portret
–

Slapende ore hoor die akoorde
Wind wat suis uit die koue noorde
Skreeu drome van menslike moorde
Hang dooie wense se geeste aan Hemelpoorte
+

Rasende ore miskyk die gesprek
Die gemompel mis gediagnoseer vir ‘n mediese gebrek
‘n Storie in ‘n boek met S.P.E.L foute bedek
×

Verbaas staan hy gereed
Sy siel se diepte word van tyd tot tyd gemeet
Dikwels die selfde vrae wat van onder af aan hom vreet
÷

Oggend se prikkelende verwarde sensasie
Verdwyn tussen venaand se wakende spasie
Skrywer en storie wag op verskillende stasie
–

Die woorde wil kom in helder verstand
Hy gewaar hul aankoms op die siel se teenoorgestelde rand
Tussen hulle ‘n see van swaar sand
+

Die storie sal kom in merkwaardige ure
Waar woorde mag droom van passie se onheersbare vure
Waar oë kan wandel, oop en vry, sonder sekuriteits maatreëls of konserwatiewe mure
×

Die pen gaan skryf met oë wat dwaal
Na die moordwapen, so vars jy proe nog die swael
÷

Ink gyselaar geneem deur ‘n groep woorde
–

‘n Storie se pyne

Vasgevang tussen lyne
=
Ek wil droom met oë oop
Ek wil skryf met woorde wat vrylik loop

Deur
Regardt Belo

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag