`n Kamma-maak pleister |©Ricco|

Dit is koddig en naragtig

dat die wat nie régtig weet

hoe seer jou weggaan gemaak het nie,

vir my wil vertel dat tyd genees –

minute wat sleepvoet

tot ure jare later

in kamma-maak pleisters gebind is,

maak kwalik heel

wat die dood by my gesteel het;

híérdie hiaat sal geskikter bly

omdat nie `n enkele ander

ooit in jou hoedanigheid sal kan setel nie.

| © Ricco | 2024