‘n Padkaart na jou
Deur getrapte gedagtes van jou
dwalend in tonnels van onthou,
verstrengel – geknoop jou beeld
tussen newels toe gevou.
Lig ek my fakkel teen duisternis –
verlig ek ’n liefde eens kosbaar…
ek’t lief anderkant môre,
soek ek ’n pas om te vaar.
Verkoop ek my lewe – so duur
vir ’n padkaart na jou …
my lewe moet ek offer
om jou te vind –
kompasloos in die kou.
Cornien
Om te skryf is my passie, vir 'n wyle ontvlug ek die gejaag. Kry ek 'n oomblik om te voel, te sien en weer te gee, skepping, harts taal - beleef ek die inner siel van my medemens.
1 Kommentaar
Maak 'n opvolg-bydrae
Jy moet aangemeld wees om 'n kommentaar te plaas.
Anze
Pragtig, baie dankie vir jou bydrae tot die INK gedenkbundel projek