Nes seepborrels

Hy tas in ‘n donkerte rond,
soek antwoorde, swyende,
in sy onmag het hy versoen
met wat hulle hom aandoen.

Hy spook onverpoosd voort,
verlate, in ‘n verlede vergete
en van liefde is hy ontneem,
van drome en lied vervreem

In stilte blom hy in sy onmag
en verwronge gesigte wat lag
is sy besoekers in die nanag,
waar sal hy krag vind vandag?

Nes seepborrels is sy lewenslus,
met ‘n wil wat hulle nie kan blus
en ‘n Herder wat hom lei en kus
het hy met vrede by Sy wil berus.

05/04/2016 © C. du Plessis

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag