Om te ‘Delete’
Om te ’Delete’
Vir die potlood is
daar ‘n uitveër wat
foute uitwis of regstel—
Op die internet word ongewenste
data eenvoudig ‘delete’ of
uitgevee van die skerm af—
Vir die huis is daar ‘n moderne
stofsuier en outydse besem
om al die vullis te vewyder, so
waarom is daar dan niks wat die
ongewenste geestelike trauma se
littekens van verlies, mislukking,
haat en nyd wat jou geheue besoedel
soos inkspatsels, en vuil olievlekke,
silwerskoon te verwyder nie?
Maar die brein is geprogrammeer
met ‘n geheue wat ongesif alles
opslurp en onoordeelkundig bewaar
tot lewensverryking of vergelding,
die keuse is jou prerogatief—
Janetta – Helena [Babs]©
4 Kommentare
-
-
Janetta-Helena Boonzaaier
Die prerogatief is joune! dankie vir jou kommentaar Anze!
-
-
Palet
Baie wys woorde
-
Janetta-Helena Boonzaaier
Dankie Palet, ek waardeer jou woorde baie.
-
Maak 'n opvolg-bydrae
Jy moet aangemeld wees om 'n kommentaar te plaas.
Anze
Laat my mos nou dink aan watter wolf moet ek voer die goeie of slegte een... Pragtig tannie Babs