Paasnaweek

mevrou het jy ‘n klein grys kat

hier lê een in die pad

ag nee, ag nee, ag nee

plat gesmeer

gebroke liggaam

kleinste jongste seun

nou straatligstatistiek

jammer, jammer, jammer

voel buurman oor die straat

hy’t net so weggejaag

skryn buurvrou langsaan kwaad

hou vir my die swart sak oop

sê ‘n vriend en bring ‘n graaf

hoekom hy was so klein

wyl my kind ‘n kransie maak

ek lig die warm vleis en bloed

my hande nat en taai

sak en lyfie in die donker

in sy tuingraf toegedraai

Vrydag in die kerk

gebruik ons wyn en brood

en pyn en pyn en pyn

maar ons bitter beker

mikroskopies in die meesterplan

van ‘n Vaderslam

en die hele ondermaan

Charleine Olivier © 20 April 2019

(9 Nov. 2000)

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag